እነዚህ አንቀጾች የመጽሐፉን ባለቤቶች የሚናገሩ ሲሆን፣ ከአላህ የተላከው መልክተኛ ሙሐመድ (ሰ.ዐ.ወ) ከተውራትና ከኢንጂል ይደብቁት የነበረውን ብዙ ነገር ሊገልጽላቸው እንደመጣ ያበስራሉ። ቁርኣን አላህ የሱን ውዴታ ለተከተሉ ሰዎች የሰላምን መንገዶች ይመራበት ዘንድ፣ በፈቃዱም ከጨለማዎች ወደ ብርሃን ያወጣቸው ዘንድ ግልጽ ብርሃንና ግልጽ መጽሐፍ ማውረዱን ያረጋግጣል። በመቀጠልም አንቀጾቹ አላህ እርሱ መርየም ልጅ መሲህ (ዒሳ) ነው ያሉትን ሰዎች ክህደት ጠንካራ በሆነ መረጃ ያስተባብላሉ። አላህ መሲህን፣ እናቱንም በምድር ላይ ያሉትንም ሁሉ ለማጥፋት ቢፈልግ ማንም ሊከለክለው እንደማይችልና የሰማያት፣ የምድርና በመካከላቸውም ያለው ሁሉ ንግሥና የአላህ ብቻ መሆኑን ያውጃሉ።